Cofnodion - Y Pwyllgor Busnes

Lleoliad:

Swyddfa’r Llywydd, 4ydd llawr - Tŷ Hywel

Dyddiad: Dydd Mawrth, 28 Chwefror 2017

Amser: 08.30 - 08.38

Preifat

Yn bresennol

Categori	Enwau
Aelodau’r Pwyllgor:	Elin Jones AC (Cadeirydd) Jane Hutt AC Rhun ap Iorwerth AC Paul Davies AC David J Rowlands AC
Staff y Pwyllgor:	Aled Elwyn Jones (Clerc)
Eraill yn bresennol	Ann Jones AC, Y Dirprwy Lywydd Christopher Warner, Pennaeth Gwasanaeth y Pwyllgorau Polisi a Deddfwriaeth Siân Wilkins, Pennaeth Gwasanaeth y Siambr a Phwyllgorau Helen Carey, Llywodraeth Cymru

<AI1>

1 Cyflwyniadau, ymddiheuriadau a dirprwyon

</AI1>

<AI2>

2 Cofnodion y cyfarfod blaenorol

Cytunodd y Pwyllgor ar y cofnodion ar gyfer eu cyhoeddi.

</AI2>

<AI3>

3 Trefn busnes

</AI3>

<AI4>

3.1 Busnes yr wythnos hon

Mae'r datganiadau ar y Gwerthusiad Annibynnol o'r Model Ymateb Clinigol ar gyfer Gwasanaethau Ambiwlans Brys ac Adolygiad Addysg ac Argymhellion y Sefydliad ar gyfer Cydweithrediad a Datblygiad Economaidd wedi'u cyfnewid.

Bydd Ysgrifennydd y Cabinet dros yr Economi a'r Seilwaith yn gwneud Datganiad ar Ddyfodol Gwasanaethau Bysiau Lleol (45 munud).

Bydd Arweinydd y Tŷ yn ateb cwestiynau ar ran y Prif Weinidog, sydd ar ymweliad â'r Unol Daleithiau. Bydd Arweinyddion y Gwrthbleidiau yn gofyn cwestiynau heb rybudd, yn unol â'r drefn arferol.

Cynhelir y Cyfnod Pleidleisio ddydd Mawrth ar ôl yr eitem olaf o fusnes. Cytunodd y Pwyllgor Busnes y cynhelir y Cyfnod Pleidleisio cyn y Ddadl Fer ddydd Mercher.

</AI4>

<AI5>

3.2 Amserlen Busnes y Llywodraeth ar gyfer y tair wythnos nesaf

Nododd y Pwyllgor Busnes amserlen busnes y Llywodraeth ar gyfer y tair wythnos nesaf.

</AI5>

<AI6>

3.3 Amserlen Busnes y Cynulliad ar gyfer y tair wythnos nesaf

Penderfynodd y Pwyllgor Busnes ar drefn busnes y Cynulliad a chytunodd i gynnwys yr eitemau o fusnes a ganlyn ar yr amserlen:

Dydd Mercher 22 Mawrth 2017 -

· Dadl gan Aelodau Unigol o dan Reol Sefydlog 11.21(iv) (60 munud)

· Amser a neilltuwyd i'r Ceidwadwyr Cymreig (60 munud)

· Amser a neilltuwyd i Blaid Annibyniaeth y Deyrnas Unedig (60 munud)

</AI6>

<AI7>

4 Deddfwriaeth

</AI7>

<AI8>

4.1 Memorandwm Cydsyniad Deddfwriaethol mewn perthynas â'r Bil Pedolwyr (Cofrestru)

Trafododd y Pwyllgor Busnes bapur gan y Llywodraeth ynghylch Memorandwm Cydsyniad Deddfwriaethol mewn perthynas â'r Bil Pedolwyr (Cofrestru).

Cytunodd y Rheolwyr Busnes i gyfeirio'r Memorandwm Cydsyniad Deddfwriaethol at y Pwyllgor Newid Hinsawdd, Amgylchedd a Materion Gwledig at ddibenion gwaith craffu. Cytunodd y Pwyllgor Busnes hefyd y dylai’r Pwyllgor gyflwyno adroddiad ar y Memorandwm Cydsyniad Deddfwriaethol erbyn dydd Iau 23 Mawrth 2017 er mwyn i’r Cynnig Cydsyniad Deddfwriaethol gael ei drafod yn y Cyfarfod Llawn ddydd Mawrth 28 Mawrth 2017.

</AI8>

<AI9>

5 Rheolau Sefydlog

</AI9>

<AI10>

5.1 Cynigion i ddiwygio Rheol Sefydlog 23 - Deisebau Cyhoeddus

Trafododd y Rheolwyr Busnes adroddiad drafft ar y newidiadau arfaethedig i Reol Sefydlog 23 er mwyn newid y drefn bresennol ar gyfer Deisebau Cyhoeddus.

Gwnaeth y Rheolwyr Busnes gytuno ar yr adroddiad a chytuno i gyflwyno cynnig i ddiwygio'r Rheolau Sefydlog i'w drafod ar 8 Mawrth 2017.

</AI10>

<AI11>

Unrhyw fater arall

Rhoddodd Arweinydd y Tŷ y wybodaeth ddiweddaraf am Fil yr Economi Ddigidol.

Anogodd y Llywydd y Rheolwyr Busnes i drafod ei chynigion ynghylch Cwestiynau Amserol ymysg ei gilydd oddi allan i weithgarwch y Pwyllgor, gyda'r bwriad o ganfod tir cyffredin cyn trafod y mater eto mewn cyfarfod Pwyllgor.

</AI11>

<TRAILER_SECTION>

</TRAILER_SECTION>

<LAYOUT_SECTION>

1.FIELD_TITLE

FIELD_SUMMARY

</LAYOUT_SECTION>

<TITLE_ONLY_LAYOUT_SECTION>

2.FIELD_TITLE

</TITLE_ONLY_LAYOUT_SECTION>

<HEADING_LAYOUT_SECTION>

FIELD_TITLE

</HEADING_LAYOUT_SECTION>

<TITLED_COMMENT_LAYOUT_SECTION>

FIELD_TITLE

FIELD_SUMMARY

</TITLED_COMMENT_LAYOUT_SECTION>

<COMMENT_LAYOUT_SECTION>

FIELD_SUMMARY

</COMMENT_LAYOUT_SECTION>

<SUBNUMBER_LAYOUT_SECTION>

2.1FIELD_TITLE

FIELD_SUMMARY

</SUBNUMBER_LAYOUT_SECTION>

<TITLE_ONLY_SUBNUMBER_LAYOUT_SECTION>

2.2FIELD_TITLE

</TITLE_ONLY_SUBNUMBER_LAYOUT_SECTION>